Ապրիլի 22-ին ՀՀ ԱԳՆ դիվանագիտական դպրոցի ունկնդիրների համար «Հայոց Ցեղասպանությունը և միջազգային իրավունքը» թեմայով դասախոսությամբ հանդես եկավ Ջորջ Վաշինգտոնի համալսարանի իրավաբանության ֆակուլտետի Միջազգային և համեմատական իրավական ուսումնասիրությունների ծրագրի փոխդեկան Սյուզան Կարամանյանը:

Բանախոսը Հայաստանում էր «Ընդդեմ ցեղասպանության հանցագործության» գլոբալ ֆորումին մասնակցելու նպատակով և Դիվանագիտական դպրոցում իր ելույթի ժամանակ անդրադարձավ Ցեղասպանության հետևանքները հաղթահարելու իրավական հնարավոր ճանապարհներին: