Դպրոցի հյուրերը
Վերապատրաստման 2019թ. 1-ին ծրագրի մեկնարկը
21.01.2019
Դիվանագետների և պետական մարմինների արտաքին կապերի ստորաբաժանումների աշխատակիցների վերապատրաստման 2019թ. դասընթացի մեկնարկը
Հունվարի 21-ին Դիվանագիտական դպրոցում մեկնարկեց Դիվանագետների և ՀՀ պետական գերատեսչությունների արտաքին կապերի համար պատասխանատու ստորաբաժանումների աշխատակիցների վերապատրաստման ամենամյա ծրագրի 2019թ. առաջին դասընթացը: Արդեն վեցերորդ անգամ իրականացվող դասընթացը վարում են ԱԳ նախարարի տեղակալները և բարձրաստիճան դիվանագետներ, արտերկրի և Հայաստանի ճանաչված դասախոսներ: Երկու ամսից ավելի տևողությամբ ծրագիրը ներառում է մասնակիցների՝ ՀՀ արտաքին քաղաքականության գերակայությունների վերաբերյալ գիտելիքների թարմացմանը և դիվանագիտական հմտությունների զարգացմանն ուղղված առարկաներ: Ծրագիրը հաջողությամբ ավարտած մասնակիցները կստանան ավարտական վկայական: Ծրագրի առաջին դասը՝ «ՀՀ դիվանագիտական ծառայությունը կանոնակարգող օրենսդրության ներկա վիճակը» վարեց ՀՀ ԱԳՆ միջազգային պայմանագրերի և իրավունքի վարչության պետ Սաթենիկ Աբգարյանը: