Հոկտեմբերի 25-ին Հայաստանի մանուկներ հիմնադրամի նախաձեռնությամբ ՀՀ ԱԳՆ դիվանագիտական դպրոց այցելեցին Շիրակի մարզի մի քանի գյուղերի դպրոցների ավարտական դասարանների աշակերտները: Նրանք շրջայց կատարեցին Դիվանագիտական դպրոցում, ծանոթացան դպրոցի գործունեությանը, գրադարանին, հանդիպեցին Դիվանագիտական դպրոցի տնօրեն Վահե Գաբրիելյանին: Ողջունելով աշակերտներին՝ տնօրենը հույս հայտնեց, որ Դիվանագիտական դպրոց այցը կօգնի նրանց որոշում կայացնել ապագա մասնագիտության վերջնական ընտրության հարցում և զրուցեց դիվանագետի մասնագիտության առանձնահատկությունների մասին: