Մարտի 27-ին տեղի ունեցավ Լյուքսմեբուրգի արտաքին գործերի նախարար Ժան Ասելբորնի հանդիպումը Դիվանագիտական դպրոցի «Միջազգային հարաբերություններ և դիվանագիտություն» 2017-2018 թթ. ծրագրի ունկնդիրների և ԱԳՆ տարբեր ստորաբաժանումների աշխատակիցների հետ: Նախարար Ասելբորնը հանգամանալից ներկայացրեց ԵՄ առջև ծառացած մարտահրավերները, Լյուքսեմբուրգի արտաքին քաղաքականությունը, ինչպես նաև անդրադարձավ Հայաստանի և ԵՄ միջև ստորագրված «Համապարփակ և ընդլայնված գործընկերության համաձայնագրին» և պատասխանեց ներկաների հարցերին։