Լրահոս / Հայտարարություններ
Դասախոսություն Տարտուի համալսարանի ուսանողների համար
18.05.2015
Մայիսի 18-ին Դիվանագիտական դպրոցում տեղի ունեցավ Դպրոցի տնօրեն, դեսպան Վահե Գաբրիելյանի դասախոսությունը Տարտուի համալսարանի միջազգային հարաբերությունների ֆակուլտետի մագիստրանտների համար:
Վահե Գաբրիելյանը միջազգային հարաբերությունների էստոնացի ապագա մասնագետներին ներկայացրեց Լեռնային Ղարաբաղի հակամարտության խաղաղ կարգավորման վերաբերյալ ՀՀ տեսակետները, ինչպես նաև խոսեց հայոց Ցեղասպանության պատմության, դրա միջազգային ճանաչման, հայ-թուրքական հարաբերությունների մասին:
Նախքան Դիվանագիտական դպրոց այցելելը Տարտուի համալսարանի ուսանողները պրոֆեսոր Էյքի Բերգի ղեկավարությամբ այցելել էին Լեռնային Ղարաբաղի Հանրապետություն: